Ôi aơ (9/10), Tổng Bí thư Tô Lâm ndrel mpôl ntơh  măt gưl têh dak he hŏ jŭr tât tach ndeh păr Bình Nhưỡng ntơm ăp nău  kan tâm rnôk hăn khâl gưl ngih dak n’hanh râng Lễ nkah ndray 80 năm njêng Đảng Lao động Triều Tiên. Wơt Tổng Bí thư Tô Lâm ndrel mpôl  ntơh măt gưl têh dak he ta tach ndeh păr geh Kruanh Ban quốc tế- Ban chấp hành Trung ương Đảng lao động Triều Tiên Kim Song Nam, Thứ trưởng Bộ Ngoại giao Triều Tiên Im Chon In, Đại sứ Việt Nam ta Triều Tiên Lê Bá Vinh ndrel ntơh măt cán bộ, nuĭh kan Đại sứ quán Việt Nam ta Triều Tiên.

Hăn pah kan bah Tổng Bí thư Tô Lâm lah rjăp tay, gung trong tâm boh dak bah dih, nsrôih ndôr êng, ƀư tơm êng, âk ding âk ntil, n’hanh nsrôih lăp rgum dak bah dih jru hvi, lam lĕ rngôch n’hanh nsĭt geh nău tam bah Đại hội Đảng lam dak tâl 13, Nghị quyết 34 bah Bộ Chính trị mpeh du  đêt trong rƀŏng têh an ƀư gung trong tâm boh dak bah dih n’hanh n’glôch jêh bah Bộ Chính trị mpeh du đêt nău dơn kan, trong nkra têh an ƀư gung trong tâm boh dak bah dih Đại hội 13 bah Đảng, Nghị quyết 57 bah Bộ Chính trị mpeh đăt ndal hun hao khoa học công nghệ, rgâl blău mhe, ndơ̆ rgâl mbrô gưl neh dak, Nghị quyết 59 bah Bộ Chính trị mpeh lăp rgum dak bah dih tâm nô nău mhe.