Tổng Bí thư rnê âk ăp nău tâm rgop bâh Đại sứ tâm nău ntrôl tâm boh kan ndrel lĕ rngôch Việt Nam- Philipines, nkre lah na nê̆ năm 2025 lah rơh kahgĭt 10 năm njêng nău tâm boh kan ndrel đah 2 dak. Tổng Bí thư đă bar ding an geh n’hao tay nău tâm kơl mpeh chính trị- nchră nău dak bah dih, ntrôl tâm mbơh kan gâl têh bar dak, nsrôih ndơ̆ prăk geh tăch ndơ đah bar ding ơm dơi geh 10 rmen đolar. Rlău ma nĕ, 2 ding an geh pơk hvi tay lơn nău tâm kơl ta trong kan rnă njrăng -mât đăp mpăn ngih dak, văn hóa, ntĭm nti, tâm rdâng đah rgâl trôk nar mih sial. Tổng Bí thư Tô Lâm lah na nê̆, Việt Nam mbra nsrôih kơl an Philipines mât đăp mpăn geh nău dơi nău kan ƀư kruanh ASEAN năm 2026, nkre lah tâm rgop na nê̆ đah ăp dak ASEAN êng gay ma n’hao nău ƀư tơm bâh rmôt, rdâk njêng ntŭk  pah kan ASEAN tâm rnglăp, têh dăng n’hanh hun hao nâp nâl.