Ta rơh vơt, Tổng Bí thư Tô Lâm rnê âk nău geh rơh tâm nchră đah kruanh n’gâng kan Pete Hegseth n’hanh kruanh n’gâng kan mât rnă njrăng ngih dak Việt Nam Phan Văn Giang, lah na nê̆ nău tâm kơl kan mât rnă njrăng ngih dak đah 2 dak lĕ n’hanh dôl jêng ngoăy tâm âk nău kan tơm khlay bâh tâm boh kan 2 ding. Tổng Bí thư ŭch 2 ding an geh ntrôl tâm kơl mât rnă njrăng ngih dak ngăn ngên, bâh nău tâm ryơk đăp mpăn, ƀư tơm, lĕ rngôch nkual neh, ăp nău way nchră nău đah dak bah dih n’hanh mât rnă njrăng bâh ngih dak bâh Việt Nam, ntop n’hao nău knơm trong kan lĕ rngôch n’hanh đăp mpăn, ueh lăng ta nkual. Bar ding lĕ ndrel tâm ban ŭch an lah, nău mât tâm rgâl kan gưl têh n’hanh tâm nchră ƀa ƀơ đah ăp ntŭk kan 2 dak, ngăn lah đah kruanh n’gâng kan mât rnă njrăng ngih dak Việt Nam n’hanh n’gâng kan tâm lơh Hoa Kỳ, nău aơ dŭt khlăy tâm nău ndâk nsơm nău knơm n’hanh ƀư ueh lơn tay nău tâm boh tâm kơl kan lĕ rngôch Việt Nam- Hoa Kỳ, ntop mât đăp mpăn, ueh lăng, tâm kơl n’hanh hun hao ta nkual n’hanh lam ntur neh.