Ta rơh vơt, Tổng Bí thư an lah, nău tât râng dŭt âk bâh ăp nuĭh Việt Nam học tâm lam dak n’hanh lam ntur neh mpơl du nău mbơh khlăy: Việt Nam mô dơn lah  ntŭk mĭn uănh, ma lĕ jêng dak kan ndrel mpeh nău mĭn kan bâh ăp nuĭh Việt Nam học. Tổng Bí thư Tô Lâm lah ueh âk ntŭk kan ăp nuĭh Việt Nam học lĕ geh ntêm lĕ săk soan an Việt Nam tâm âk năm ba năp, mpơl nău ŭch ăp nuĭh way kan, học giả an geh hăn ndrel tay, mô dơn đah nău rŏng ma đah nău gĭt blău mpeh khoa học, mbơh rblang nău kơl kan knơm ta nău an saơ mpeh khoa học, nău dăn đă na nê̆, tâm di, mbra dơi geh mbơh tơih dâl. Nkre lah, Tổng Bí thư knơm n’hanh geh ngluh mbơh ăp nău mĭn uănh mpeh Việt Nam mbra ăp nar lơ ma dăch bên lơn đah ăp nău dôl ngluh mbơh an ngăch ndal lơn.

Đah nău ŭch rŏng dŭt têh, yơn đah nău mĭn mô n’hao săk, ŭch djăt, ŭch nti, Tổng Bí thư Tô Lâm lah na nê̆ Việt Nam way geh uănh khlăy nău tâm nchră, tâm kơl, ryơk luật pháp lam ntur neh, n’hao nău chủ nghĩa âk ding an săk rnglăy, tâm ban gay ma njêng du Việt Nam đăp mpăn, hao dăng, rgâl mhe nău mĭn, hun hao ngăch n’hanh nâp nâl ta rơh mhe.