Tâm rnôk hăn khâl ngăn Liên hiệp Vương quốc Anh ndrel Bắc Ireland, ta Thủ đô London, Tổng Bí thư Tô Lâm ndrel rmôt kan ntoh măt gưl prêh Việt Nam hŏ vơt Tổng Bí thư Đảng Cộng sản Anh Robert Griffiths.

Tâm nar vơt, Tổng Bí thư Tô Lâm lah rjăp, Đảng, Ngih dak Việt Nam mro uănh khlay hun hao tâm boh ma dak Anh, ŭch bar ding hun hao ăp nau dơi tâm boh tă geh, lŏ ntrŭt dăng hun hao nsôih bah tâm boh bar ding.

Gay leo nau tâm boh kan nsum đah bar dak hao du nhoat mhe yor nau geh dơi bah ƀon lan bar dak ndrel nkô̆ nau hun hao bah ăp dak, rgop nau ân đăp mpăn, tâm boh ndrel hun hao nâp nâl tâm nkuăl ndrel lam ntur neh.

Tâm rơh tât, gay lŏ ntrŭt dăng lơn tay nau tâm boh đah bar Đảng, Tổng Bí thư Tô Lâm đă, bar ding uănh nau dơi ntrŭnh ăp nau pah kan tâm rgâl lý luận, nkoch mbơh nau mpeh nau kan ndrel nau mĭn bah ăp Đảng đah ăp nau kan bah nkuăl, lam ntur neh dnrel ăp nkô̆ ndrel uănh khlay./.