Kêng măng 29/9, ta Nhih pah kan Trung ương Đảng, Tổng Bí thư Tô Lâm wơt Đại sứ Hoa Kỳ ta Việt Nam Marc E. Knapper. Ta rơh wơt, Tổng Bí thư Tô Lâm rnê âk ăp nău hun hao uĕh tâm  boh bar dak ta ăp ntil trong kan, đah  âk nău dơi uĕh, tâm rnôk bar dak dôl geh âk nău kan ngăn ngăn gay nkah ndray 30 năm njêng tâm boh n’hanh 2 năm tâm boh têh jong lam lĕ rngôch. Lah rjăp năm 2025 lah năm geh nkô̆ khlay, nkah ndray 30 năm njêng tâm boh Việt Nam - Hoa Kỳ, Tổng Bí thư Tô Lâm dăn đă bar ding kan nsum tay an ƀư geh nău tam nău nchrăp lor, ntrŭt ntrôl âk mpôl hăn tâm khâl nsum ta ăp gưl, ndrel ntrŭt ntrôl đăp mpăn, tâm boh n’hanh hun hao ta nkual n’hanh lam ntŭr neh.

Tổng Bí thư Tô Lâm nchih nkah ăp nău nsrôih bah Đại sứ Knapper n’hanh nsum mpôl cán bộ, nuĭh kan Đại sứ quán Hoa Kỳ tâm ntrŭt ntrôl, an ƀư geh nău tam ăp nău tâm ton gưl têh n’hanh nkô̆ tâm boh tâm trôm nău kan tâm boh têh jong lam lĕ rngôch Việt Nam - Hoa Kỳ ta ăp trong kan kơt chính trị - tâm boh dak bah dih, wăng sa – tăch rgâl – ntuh kơl, njrăng n’gang neh dak – rnă njrăng, tâm boh kơl nuĭh n’hanh nkra bah khuch khat tâm lơh ntlơi an tay.