Nar nđaơ (18/11), Tổng Bí thư Tô Lâm lĕ wơt Groi Thủ tướng, Kruanh N’gâng kan mât njrăng bri dak Slovakia Robert Kalinák tâm trôm rơh khâl na nê̆ tât Việt Nam. Ta nar wơt, Tổng Bí thư Tô Lâm mĭn lah Slovakia lah nuĭh băl ndrel, dăch dêh bah Việt Nam; lah uĕh Chính phủ n’hanh nuĭh ƀon lan Slovakia lĕ kơl mro, tâm rnglăp đah nuĭh ƀon lan Việt Nam tâm lôch 75 năm bah năp.

Tổng Bí thư Tô Lâm đă 2 ding ntrôl dăng lơn tay kan ndrel tâm ntil nău công nghiệp mât njrăng bri dak, ntĭm nti tahen, mât đăp mpăn... Tổng Bí thư Tô Lâm đă 2 ding mât tâm rgâl mpôl kan ăp gưl; nkre n’hao mât uĕh săk rnglăy ăp trong ƀư tâm ôp n’hanh kan ndrel geh aƀaơ gay ntrôl tâm boh ăp ding hun hao ngăn ngên, lĕ rngôch n’hanh nâp nâl; nkre nta nơih gay ăp n’gâng kan, nău kan n’hanh doanh nghiệp 2 dak boăt nthoi, pơk hvi kan ndrel ndơ̆ wăng sa n’hanh khoa học công nghệ jêng n’gâng tơm tâm boh ăp ding, ntrôl dăng lơn tay kan ndrel văn hóa, ntĭm nti, pâl nđaih n’hanh tâm nđŭr nuĭh ƀon lan.