Tâm rnôk hăn khâl ngăn Phần Lan ntơm bah nar 20 - 22/10, ta Helsinki, Tổng Bí thư Ban Chấp hành Trung ương Đảng Cộng sản Việt Nam Tô Lâm hŏ geh rơh wơt Kruanh Đảng Cộng sản Phần Lan wa bu ur Tiina Sandberg.

Ta rơh wơt, Tổng Bí thư Tô Lâm an gĭt; tâm trong hăn khâl dja, bar ding hŏ tâm ban ŭch n’hao tâm boh têh jong. Let năp tay, Tổng Bí thư Tô Lâm dăn đă bar Đảng n’hao âk tay rơh tâm khâl nsum, ntrŭt ntrôl tâm boh jru hvi, ngăn ngăn lơn đŏng ma ăp nău kan leo mpôl hăn tâm khâl nsum n’hanh tâm ôp lý luận; mât mbro tâm boh n’hanh kan nsum ta ăp rơh rgum nchră âk ding đảng tơm ma bar Đảng lah băl lăp kan nsum, tâm nê geh Tâm nchrăp ăp Đảng Cộng sản n’hanh Công nhân lam ntŭr neh; ntik n’hao nău khlay kan bah bar Đảng tâm ban kơt ăp Tâm nchră tâm rnglăp tâm nău tâm rgâl nău lư, ƀư ăp nău kan tâm nđŭr văn hóa, tâm nđŭr ƀon lan gay n’hao dăng lơn đŏng nău tâm rnglăp n’hanh nău tâm gĭt wât nsum đah ƀon lan bar dak; ntop kơl mpôl nuĭh Việt Nam n’hanh Phần Lan ta ăp dak gŭ rêh, kơt nti n’hanh pah kan ta ntŭk dak he dôl gŭ.