Kêng măng 01/10, ta Nhih pah kan Trung ương Đảng, Tổng Bí thư Tô Lâm hŏ wơt Kruanh Quốc hội Cuba Esteban Lazo Hernández nkhêp geh hăn khâl ngăn Việt Nam n’hanh ndrel ƀư tơm rơh hop tâl bar Ủy ban bar nghị viện Việt Nam-Cuba. Ta rơh wơt, Tổng Bí thư Tô Lâm lah rjăp Việt Nam mbra way grêt dêh ndrel Cuba êt lhăt tay tâm boh oh nô dêh bên ngăn, tâm rnglăp, du nuih n’hâm nsum đah Đảng, Ngih dak n’hanh ƀon lan bar dak. 

Tổng Bí thư Tô Lâm dăn đă Quốc hội Cuba an ƀư lor ntop kơl tâm boh, ntuh kơl  mpeh wăng sa- tăch rgâl- ntuh kơl, nta trong dơh an ăp trong nchrăp tâm boh tuch tăm, ŭnh nar sĭt jêng tay, công nghệ sinh học-dak si, rhŏ dŏng ngăn ngăn an rơh hun hao lĕ bar dak. Nkre, dăn đă bar ding kan nsum n’hao dăng tâm ôp lý luận n’hanh nău tă ơm gĭt kan ngăn ngăn, lơn lah tâm rnôk Việt Nam ƀư Đại hội Đảng lam dak tâl XIV n’hanh Cuba ƀư Đại hội Đảng lam dak tâl IX tâm năm 2026.