Ôi ntri (13/8), Tổng Bí thư Tô Lâm n’hanh I ur Ndrel mpôl ntơh măt gưl têh  Việt Nam hŏ sĭt bah Thủ đô Seoul tât nkual ƀon têh Busan nthoi tay ăp nău kan tâm rnôk hăn khâl gưl Ngih dak tât Hàn Quốc. Lôch tât nkual ƀon têh Busan, Tổng Bí thư Tô Lâm hŏ wơt Tổng Lãnh sự ơm Việt Nam Park Soo Kwan ta Hàn Quốc. 

Ta rơh wơt, Tổng Bí thư Tô Lâm an gĭt, đah nău ŭch  n’hao âk ntơh măt tâm boh Việt Nam ta nkual mpeh bah dâng Hàn Quốc, nkre tŏng đah nău ŭch geh nar lơn ma âk bah ƀon lan Việt Nam n’hanh ăp băl tâm boh ta dak tơm jay, Bộ Ngoại giao Việt Nam hŏ n’glêh an njêng Tổng Lãnh sự quán Việt Nam ta nkual ƀon têh Busan. Gay pah kan bah Tổng Lãnh sự quán Việt Nam ta nkual ƀon têh Busan dơi an ƀư dơh lơn n’hanh lăp kan geh nău tam, Tổng Bí thư ŭch rŏng wa Park Soo Kwan uănh khlay tay, ntop kơl n’hanh nta ăp trong dŭt dơh an Tổng Lãnh sự quán Việt Nam ta nkual ƀon têh Busan, Hàn Quốc tâm let năp tay.