Dơn nău jă bah Kruanh dak Lương Cường, Tổng thống Nam Phi Cyril Ramaphosa geh rơh khâl gưl ngih dak tât Việt Nam bah lơ 23-24/10.

Rơh hăn khâl gưl Ngih dak tât Việt Nam bah Tổng thống Nam Phi Cyril Ramaphosa dơi mpŏng mbra kơl n’hao prêh tâm boh đah 2 dak, ntrôl tăch rgâl ăp ding, pơk hvi kan ndrel tâm ăp ntil nău khlay kơt lŏ mir, mât njrăng bri dak, công nghệ n’hanh âk nău kan êng.

Nchrăp, tâm rơh khâl, Tổng thống Nam Phi Cyril Ramaphosa mbra rgum nchră đah Kruanh dak Lương Cường n’hanh geh ăp rơh mâp khlay đah kruanh gưl prêh Việt Nam. Tổng thống Cyril Ramaphosa mbra râng ƀư ký ton Công ước Liên Hợp Quốc mpeh Njrăng n’gang nuĭh tih dôih hôm kuăl lah Công ước Hà Nội.