Kêng măng 8/10, ta Jay Quốc hội, Hà Nội, Uỷ ban Thường vụ Quốc hội hŏ mĭn uănh, an nău rgop mpeh trong nchrăp Luật Báo chí (rgâl nkra), rƀŏng tât uănh an dŏng ta rơh hop tâl 10, Quốc hội khoá XV. Hao rblang dăn nkô̆ tơm bah trong nchrăp Luật, Bộ trưởng Bộ Văn hóa Thể thao pâl nđaih Nguyễn Văn Hùng an gĭt, rđĭl đah Luật Báo chí dôl dŏng aƀaơ geh 6 chương 61 điều ri trong nchrăp Luật Báo chí (rgâl nkra) nchrăp geh 4 chương, 50 điều (hŭch 2 chương, 11 điều), tâm nê: Mât kơt ơm nkô̆ 9 điều, rgâl nkra nkô̆ bah 38 điều, kơi ntop mhe 3 điều, sơch n’gluh jăng 6 điều.

Mpeh ăp quy định gay mât lhăt nău kan báo chí, đăp mpăn yach ngăch, glêh tam, nsĭt geh nău dơi tâm pah kan mât uănh, trong nchrăp Luật rhă dơi n’gluh an dŏng mbra geh 7 nkô̆ nău lah nkô̆ nău pơk hvi ntŭk gŭ kan báo chí ta trôm mạng gay rƀŏng, têk ndrêng nău lư; jêng ăp nhih pah kan tơm khlay, têh dăng; ntrŭt ntrôl ăp tơm ndơ rêh jêng kon nuĭh an hun hao báo chí; nkra bah ăp nău khoah, kŏ kol bah Luật Báo chí năm 2016, n’hao săk blău rmôt nuĭh ƀư báo. Rhă trong nchrăp Luật Báo chí (rgâl nkra) mbra dơi Quốc hội mĭn uănh, n’gluh an dŏng ta rơh hop tâl 10, Quốc hội khoá XV.