Lŏ bôk nau kan rơh rƀŭn tal 32, ôi lơ 17/4, Uỷ ban Rnâng kan Quốc hội rgop nau mpeh nau nchrăp Luật ndoh ndơ ơm yau (rgâl nkra).

Nau nchrăp Luật ndoh ndơ ơm yau (rgâl nkra) ntrŭnh mpeh nau năl, nau dơi ƀư nau uănh nalư ndơ ơm ndrel đăng kí ndơ ơm; kơp dơn ndơ khlay bah neh dak, mât ndơ ơm yau, ndơ khlay bah neh dak ndrel rklaih ndơ ơm yau lah geh saơ. Nau khlay ngăn, nau nchrăp Luật ntop chương mhe mpeh nau mât ndrel ƀư ueh nau ơm, nau ntrŭnh mpeh nau pă ndrel nau dơi ndơn năl bah ăp ntil ndơ ơm yau, kơp rnoh ndơ ơm, nchih moh săk ăp ntil ndơ ơm, mât ndơ ơm, ndâk nkra tay ndơ ơm.

Kruanh Quốc hội Vương Đình Huệ lah rjăp: ndơ ơm tay ân geh uănh lah tu tơm ân nau hun hao, ân geh mât ndrel ƀư ueh nau tâm boh mât ndơ ndrel ƀư ueh nau kơp tâm nau rgum nau ntrŭnh mbơh luật, đah nuih n’hâm njêng nau hun hao. Đă rnâng kan nchrăp săch, ntop nau ntrŭnh, nau kan mpeh công nghiệp văn hoá, thị trường văn hoá, ntrơn rgâl mrô văn hoá, rnoh mrô ndơ ơm, tâm boh nau kan nsum, văng sa nau ơm ueh. Nkre geh nau kan kơl an mât nau ơm bah ăp rnoi mpôl đê̆, gôl yôk, gôl dak, ndơ ơm ueh khlay geh nau mra roh rui./.