Lơ 8/3, Mpôl pah kan bah ủy ban săch n’gor Dak lak lĕ uănh nđôi ngăn n’hanh kơp uănh tay trong kan nchrăp an nar săch êp tât. Mpôl pah kan lĕ na nê̆ uănh nđôi ta nkual nklăch phiếu mrô 38, phường Buôn Ma Thuột mpeh trong kan nchrăp ngih wâl ndoh ndơ, nău nchih săk nuĭh ƀon lan, săk nuĭh dơi săch, tiăr nti trong ƀư săch.

Tĭng nău mbơh, nkual nklăch phiếu mrô 38 geh rlău 3.110 nuĭh ƀon lan ta Tổ dân phố 5 n’hanh tổ dân phố 8 râng săch. Tât rnôk aơ, ăp nău nchrăp an nar săch uĕh lĕ dơi ƀư tŏng ăp, di nău ntrŭnh, ngih wâl ndoh ndơ, năp rhŏ an săch dơi nchrăp uĕh.

Ta rơh rƀŭn đah nuĭh Ủy ban săch n’gor, wa Cao Thị Hòa An, Ủy viên Trung ương Đảng, Groi Bí thư Rnâng kan N’gor ủy, Kruanh HĐND n’gor, Kruanh Ủy ban săch n’gor Dak Lak đă kơp uănh tay, uănh năl na nê̆ săch nuĭh ƀon lan; ntrôl dăng nkoch trêng đah âk trong gay geh mông nar răm m’ak tâm nuĭh ƀon lan.