Ôi 3/12, Ủy ban Thường vụ Quốc hội rƀŭn uănh mĭn tay, mbơh an Pháp lệnh nkra rgâl, ntop tay du đêt nkô̆ nău bah Pháp lệnh Cảnh sát môi trường. An rgop nău mpeh nkô̆ nău aơ, Kruanh Quốc hội Trần Thanh Mẫn ŭch đah nău mbơh uănh nđôi bah Ủy ban Quốc phòng An ninh n’hanh Đối ngoại mât săk kuăl ơm; nkre an lah, nău nchrăp jao an tâm nău jăch ndăn aƀaơ, tâm rnôk nu nău tih mpeh ntŭk ntô gŭ âm dôl geh dŭt jêr, ngăch, khuch hô tât săk soan bah nuĭh ƀon lan, nău hun hao nâp nâl n’hanh rnă njrăng bah dih nău way ơm.

Kruanh Quốc hội lah, an rĭng rmôt n’gâng kan ƀĭt joet tĭng ntrong ƀư mhe kơt: ntop tay nău ntrŭnh jao an nău dơi mkra bah năp đaơ lah gưl nkuăl sĭt gưl xă mô lah jrô kan cảnh sát môi trường n’gor, đah trong ntop kơl kỹ thuật mrô gay đăp mpăn groi nđôi ta bah dâng, nkra ăp nkô̆ nău gay rmôt cảnh sát môi trương bah dâng mpeh tâm công an xă, rgum hăn uănh nđôi ta ƀon lan, gay n’hŭch tâm ƀah, n’hao săk rnglăy mkra tih jêt, chrai ta ƀon lan.