Kêng măng 28/9, ta Ngih Quốc hội, Kruanh Quốc hội Trần Thanh Mẫn rgum nchră đah Kruanh Đuma Quốc gia Nga Vyacheslav Volodin. 2 ding nkoch nău rhơn ta năp ăp nău rgâl uĕh tâm boh dăch dêh way ơm n’hanh kan ndrel têh tay tâm rgop rjăp đah Quốc hội Việt Nam, tâm pă nău blău ơm ndâk njêng “Quốc hội thông minh”, ntop kơl lôch jêh trong pháp lý n’hanh dôh rklaih wăk kol an ăp nău nchrăp ƀư kan ndrel.

2 ding tâm ban ŭch kan ndrel wăng sa, tăch rgâl, ntuh kơl, ŭnh nar, khoa học-công nghệ, ntĭm nti, văn hóa n’hanh tâm nđŭr nuĭh ƀon lan. Kruanh Volodin mĭn lah Đuma Nga mbra pơk hvi ăp trong kan ndrel mhe, ntop kơl ntĭm nti ăp nău kan Nga geh âk, nkre ntrŭt nsôr ntĭm nti nău ngơi Việt ta Nga n’hanh nău Nga ta Việt Nam, rgop nâp nâl tâm boh kan ndrel lĕ rngôch.