Ôi ntri 10/11,  ta Rơh hop tâl 10, Quốc hội khoá 15 nchrăp tay tơm nuĭh kan. Tĭng nê, wa  Đỗ Văn Chiến - Groi Bí thư rnâng kan Đảng ủy Quốc hội dơi sơch ƀư Groi kruanh Quốc hội khóa XV. Wa Đỗ Văn Chiến deh năm 1962, ƀon tơm n’gor Tuyên Quang, lah rnoi nuĭh Sán Dìu. Păng lah Ủy viên Bộ Chính trị khóa XIII (ntơm bah khay 5/2024); Bí thư Trung ương Đảng khóa XIII (tât khay 11/2025); Ủy viên Trung ương khóa X (dự khuyết), XI, XII, XIII; Đại biểu Quốc hội khóa: XIII, XIV, XV.

Păng geh năm pah kan ta n’gor Tuyên Quang (ơm), tă ƀư ăp nău kan Groi bí thư Tỉnh ủy, Kruanh UBND n’gor. Lôch nê păng dơi Bộ Chính trị rgum n’hao, tâm pă ƀư Bí thư Tỉnh ủy Yên Bái năm kan 2010-2015. Lôch nê, păng rlău ăp ntŭk gŭ pah kan: Thứ trưởng, Groi Chủ nhiệm Ủy ban Dân tộc; Bộ trưởng, Chủ nhiệm Ủy ban Dân tộc; Bí thư Đảng đoàn Mặt trận Tổ quốc Việt Nam, Kruanh Ủy ban Trung ương Mặt trận Tổ quốc Việt Nam. Ntơm bah khay 2/2025, păng lah Bí thư Đảng ủy Mặt trận Tổ quốc, ăp nsum mpôl Trung ương, Kruanh Ủy ban Trung ương Mặt trận Tổ quốc Việt Nam, lor rnôk dơi Bộ Chính trị rgum n’hao, tâm pă, đă ƀư Groi Bí thư Đảng ủy Quốc hội tâm khay 11/2025.