Kêng măng 21/10, Hội Nhà báo n’gor Lâm Đồng ƀư tâm nchră sơch Ban Chấp hành n’hanh nuĭh kan n’gâng tơm, nkre rƀŏng trong kan tâm ăp khay kêng dŭt năm 2025. Hội dơi njêng nsing ta nău n’glăp nsum Hội Nhà báo pe n’gor Lâm Đồng, Bình Thuận n’hanh Dak Nông, đah rlău 600 hội viên. Ban Chấp hành khóa mhe lah 27 nuĭh.

Tâm nchră hŏ sơch wa Lê Huy Toàn, Tỉnh ủy viên, Tổng Biên tập Báo n’hanh ƀoh rup – ƀoh ngơi Lâm Đồng ƀư Kruanh Hội. Lah ta rnôk dơn nău kan, wa Lê Huy Toàn lah rjăp mbra ndrel mpôl Ban Chấp hành ngăch ndơ̆ nău kan Hội lăp rĭng grep, ntik n’hao nău khlay kan nuĭh ƀư báo ta trong kan chính trị, nuih n’hâm, rgop uĕh tâm nău hun hao bah n’gor.