Lơ 25/9, UBND n’gor Khánh Hoà geh ƀư rơh rƀŭn nchră mbơh nău ntrŭnh bâh Thủ tướng Chính phủ mpeh nău nchrăp an dŏng nău geh bâh rơh săch kruanh UBND n’gor Khánh Hoà năm kan 2021-2026 đah wa Nguyễn Khắc Toàn, Groi Bí thư n’gor Uỷ. Ta năp nĕ lơ 16/9, ta rơh rƀŭn nchră tal 2, HĐND n’gor Khánh Hoà lĕ geh knơm săch wa Nguyễn Khắc Toàn mât ƀư nău kan aơ. Ntoh ngơi ta rơh dơn nău kan, wa Nguyễn Khắc Toàn ton mbra ndrel đah ntŭk kan UBND n’gor Khánh Hoà rgâl mhe nău pah kan, an nău dơi geh bâh ngih dak ba năp, ƀon rtơm n’hanh ƀon lan hao ba lơ, n’hao nău way ơm tâm rnglăp, kan kăp, mĭn kan, răng dăng, săk rnglăy, n’hao nău dơn kan, kan jă, nsrôih gay ma ndơ̆ Khánh Hoà hun hao mhe. Wa Nguyễn Khắc Toàn, deh năm 1970, ƀon tơm ta phường Đông Ninh Hoà, n’gor Khánh Hoà, geh lôch nti cử nhân Luật, cử nhân Xây dựng Đảng n’hanh n’gâng kan ngih dak, cao cấp lý luận chính trị.