Ta Nhih pah kan Chính phủ, Thủ tướng Chính phủ Phạm Minh Chính mhe ndơ̆ n’glêh an wơt dơn, ntăm an wa Nguyễn Quốc Đoàn, Groi Chánh án Nhih phat dôih ƀon lan gưl têh ƀư Groi Tổng Thanh tra Rnâng kan Thanh tra Chính phủ. Mbah rhơn wa Nguyễn Quốc Đoàn dơi Đảng, Ngih dak nsing nơm jao nău kan mhe, Thủ tướng Phạm Minh Chính mpŏng wa Nguyễn Quốc Đoàn ta ntŭk gŭ kan mhe mbrôn lĕ n’hâm suan bah he, lôch jêh uĕh nău kan dơi jao.

Lah ta rnôk dơn nău kan, Groi Tổng Thanh tra Rnâng kan Thanh tra Chính phủ mhe Nguyễn Quốc Đoàn ton ta ntŭk gŭ pah kan mhe mbra nsôih lĕ n’hâm suan he, nsrôih âk lơn đah nuih n’hâm dơn kan âk, mô rlu kơt nti, tiăr nti, ƀư tĭng nuih n’hâm, trong gŭ rêh Hồ Chí Minh, ndrel mpôl kruanh rđău kan Thanh tra Chính phủ ntik  n’hao nău way ơm tâm rnglăp, dơn ngoăy, lĕ nuih n’hâm, rlău ăp ntul rlong jêr jŏt, rgop lĕ suan he an n’gâng kan nsum gay pah kan thanh tra jêng tak đao sôt hơr bah Đảng n’hanh Ngih dak, lah ntŭk nsing bah ƀon  lan.