Wa Nguyễn Thanh Nghị, Ủy viên Bộ Chính trị, Bí thư Trung ương Đảng, Kruanh ban Chính sách, chiến lược Trung ương dơi Hội đồng bầu cử Quốc gia tâm pă dâk tâm rlong đại biểu Quốc hội khóa XVI năm kan 2026 - 2031 ta n’gor Dak Lak.

Ta rơh mâp măt, mâp na nê̆ n’hanh mbơh rblang bôk nău kan bah năp cử tri, wa Nguyễn Thanh Nghị  lah rjăp, lah dơi cử tri n’gor Dak Lak nsing nơm, sơch đại biểu Quốc hội khóa XVI, năm kan 2026 - 2031 păng mbra mât trong tâm boh mbro, krêp dêh đah cử tri n’hanh ƀon lan; mâp, djăt nău rgop, nău ŭch rŏng mpŏng geh tâm di bah cử tri gay mbơh đah Đảng, nchih nkoch, dăn đă tât Quốc hội, Chính phủ, nkre groi nđôi, ntrŭt ntrôl ăp nhih pah kan dơi kan mĭn uănh, nkra ngăch, lôch geh ăp nău rgop bah cử tri; mbơh lam n’hanh ndơ̆ ăp tŏng nău lư nău tĭng ƀư bôk nău kan bah he gay cử tri groi nđôi.