Ta rơh tâm mâp, ƀon lan xã Tà Năng lĕ geh mbơh âk nău tâm rgop, nău dăn đă geh tât nău rêh, nău pah kan, rnă njrăng rêh jêng n’hanh nău kan bâh n’gâng kan ta ntŭk. Ntoh ngơi ta rơh tâm mâp, wa Phan Đình Trạc  kơp dơn ăp nău tâm rgop tâm di bâh ƀon lan, lah na nê̆ mpôl Đại biểu Quốc hội n’gor mbra rgum, ndŏ tât ăp ntŭk kan geh nău dơi uănh n’hêl, doh rklaih tâm rnôk lơ ma ơm lơ ma ueh. Nkre lah đă n’gor Lâm Đồng mât uănh, doh rklaih na nê̆ nău pă săm ƀŭt kơp dơn nău dơi dŏng neh, ƀư tĭng di nău ntrŭnh pháp luật, mât đăp mpăn nău dơi tâm di bâh ƀon lan, nkre lah pă an ntŭk kan công an uănh nđôi, ƀư kloh na nê̆ nkô nău roh sổ đỏ gay ma rmal tĭng nău ntrŭnh.