Ôi ntri (17/9), ta Hội trường Nhih nti Chính trị nkual ƀon têh Đà Nẵng hŏ ntơm pơk Đại hội Đại biểu Đảng bộ nkual ƀon têh Đà Nẵng lor bôk năp, năm kan 2025-2030. Lah rđău đă ta Đại hội, Rnâng kan Ban Bí thư Trần Cẩm Tú lah rjăp: Đại hội đại biểu lor bôk năp Đảng bộ nkual ƀon têh Đà Nẵng hŏ ntrŏng ăp rnoh tât kan, nău dơn kan lvang năm 2025-2030 lam lĕ rngôch ta ăp trong kan: wăng sa, văn hóa, rêh jêng kon nuĭh, ntŭk gŭ rêh, njrăng n’gang neh dak, rnă njrăng n’hanh pah kan rdâk njêng Đảng.

wa Trần Cẩm Tú đă Đảng bộ nkual ƀon têh rgum rdâk njêng Đảng n’hanh lam trong kan chính trị kloh uĕh, nâp dăng; rdâk njêng rmôt cán bộ, lơn lah nuĭh mât bôk ăp gưl tŏng uĕh nuih n’hâm, gĭt blău, nău nsing nơm, nănh mĭn, nănh kan rgâl mhe, nănh đăt ndal yor nău geh nsum. Ta rơh ntơm pơk Đại hội Đảng bộ nkual ƀon têh Đà Nẵng lor bôk năp, năm kan 2025-2030 hŏ mbơh nău n’glêh an bah Trung ương mpeh nchŏng đă Ban Chấp hành Đảng bộ nkual ƀon têh Đà Nẵng năm kan mhe lah 75 ủy viên. Wa Lương Nguyễn Minh Triết ƀư tay Bí thư Thành ủy Đà Nẵng, năm kan 2025-2030.