Kêng măng 4/8,  Đảng bộ xã Ea Tul, n’gor Dak Lak ƀư Đại hội lor bôk năp, năm kan 2025 – 2030. Nghị quyết Đại hội hŏ n’gluh tât rdâk njêng xã jêng xã ntĭt leo lor rdâk njêng ƀon lan mhe bah n’gor. Xã Ea Tul lor rnôk n’glăp nsum lah ngoăy tâm 6 xã bôk năp bah n’gor Dak Lak di rnoh rdâk njêng ƀon lan mhe. Lôch n’glăp, xã geh rnoh nuĭh 34.000 nuĭh, lah 12 rnoi mpôl đê̆; rlău du n’gul rnoh nuĭh lah nuĭh Rđe. Rĭng geh tĭng bôk nuĭh lam xã năm 2025 nchroh geh rlău 60 rkeh prăk.

Đảng bộ xã aƀaơ geh 58 mpôl kan Đảng tâm dâng, đah bơi 900 đảng viên. Năm kan 2025 – 2030, Đảng bộ xã  Ea Tul ntrŏng năl trong rƀŏng “Hun hao wăng sa- rêh jêng kon nuĭh lah ntŭk rgum tơm, rdâk njêng Đảng lah n’gâng sơn, hun hao văn hóa lah jâng nsing, mât đăp mpăn rnă njrăng, njrăng n’gang neh dak lah rgum khlay, ƀư mbro”; nsrôih jêng xã ƀon lan mhe ntĭt leo lor bah n’gor Dak Lak, rĭng geh tĭng bôk nuĭh ƀon lan năm 2030 tât 77 rkeh prăk.