VOV.M'nông:Kêng măng nar naơ 28/4 ta nkuăl ƀon têh Hải Phòng, Thủ tướng Lê Minh Hưng n’hanh mpôl đại biêủ Quốc hội nkuăl ƀon têh Hải Phòng leo ƀư tâm mâp ƀon lan lôch rơh rƀŭn nchră tal 1, Quốc hội khoá 16.

VOV.M'nông- Kêng măng 27/4, Tổng Bí thư, Kruanh dak Tô Lâm ƀư tơm rơh pah kan đah Ban thường vụ Thành uỷ Nkual ƀon têh Hồ Chí Minh mpeh nô nău tĭng ƀư Nghị quyết Đại hội 14 bah Đảng.

VOV.M'nông: Thủ tướng Chính phủ Lê Minh Hưng mhe geh nar pah kan đah Bộ Văn hoá, Thể thao ndrel Pâl n’aih; đă N’gâng kan ân geh rklaih ngăch lơn, nchrăp lơn, nsôih rjăp lơn, jru lơn, săk tam lơn tay tâm nau ƀư nau kan.

VOV.M'nông- Lôch bơi 10 khay n’glăp dŏng n’gâng kan 2 gưl, ngăn geh ta n’gor Lâm Đồng an saơ, ndrel đah tâm pă gưl kan dăng, kloh rvah n’hanh glêh tam nuĭh kan, nău ŭch n’hao tam kan, nsĭt geh nău dơi mât bôk kan dôl nar lơn ma khlay jăch ndăn. Tâm rnôk nê, ntrôl dăng rgâl mbrô mô dơn lah trong rƀŏng khlay ma hôm lah trong nkra n’gâng tơm, kơl buăt nthoi mbluh soih đah ăp gưl n’gâng kan, n’hao săk blău rhŏ dŏng nuĭh ƀon lan n’hanh doanh nghiệp, rƀŏng tât ƀư kloh rvah n’hanh geh nău tam lơn.

VOV.M'nông- Gia Lai dôl ndăn ngăch droh rklaih wăk kol đă ntrơn du rong neh ƀư trong cao tốc Quy Nhơn – Pleiku, nkre ntrŭt ntrôl du rut âk ntŭk nchrăp ƀư rgum tơm, rƀŏng tât n’gluh 100% tơm prăk ntuh kơl.

VOV.M'nông- Ôp uănh âk trong nchrăp ƀư rgum tơm, Kruanh UBND n’gor Lâm Đồng Hồ Văn Mười đă ntrôl ngăch ntrơn du, nkre êt lhăt tĭng jăp ntuh kơl, rgum nkra bah ăp kô̆ yơn “kol khan” mpeh siƀŭt, njêng suan ntrôl an hun hao.

VOV.M’nông - Nău n’glăp nsum đah bri neh têh hvi n’hanh dak lêng ư̆r choih n’glang dôl njêng suan ntrôl mhe an pâl nđaih Tây Nguyên n’hanh Duyên hải Nam Trung bộ. Ntơm bah ăp yôk tơm n’ho Đà Lạt tât rdôl nchŏch n’glang dak lêng bah Mũi Né, ntơm bah tâm râp chĭng gong ta bri neh têh hvi Ban Mê tât lŭ san hô lơp uĕh bah Hòn Yến- Đắk Lắk... du ntŭk pâl nđaih mhe dôl njêng luh. Mô hôm lah ăp ntŭk tât êng, nău tâm lăp kan nsum đah "bri" n’hanh "dak lêng" dôl njêng du njăr trong hăn "chŏnh tât nuih n’hânh rhơn nđơr", mpŏng n’hao pâl nđaih bah du nkual đăt ndal tâm rơh mhe.

VOV.M'nông: Lơ 27/6/2025, Quốc hội gưl XV nchră nau ntrŭnh mrô 219/2025/QH15 mpeh nau nchrăp ntuh kơl trong hăn ngăch Quy Nhơn-Pleiku. 6 khay ba kơi, dŭt năm 2025, nau kan geh n’gor Gia Lai ndâk ƀư ndrel ngăch lăp tâm rnôk ƀư, đah nkô̆ “Ntŭk geh dơi ƀư, ri nkra tâm nê” ƀư 3 ca 4 kip, nsôih ƀư jêh tâm năm 2029. Mô êng lah ntŭk ntu kan tơm, trong aơ hôm ân saơ nau đă, kâp rnơm bah cử tri ndrel ƀon lan geh djăt ndrel ăp nhoat ƀư ngăn.

VOV.M'nông- Tâm 2 nar kêng dŭt pơh dja (25 n’hanh 26/4) ta Gia Lai ƀư âk nău kan văn hóa săk ntơr êng. Nê lah Nar rgum Văn hóa ăp rnoi nuĭh n’gor Gia Lai lor bôk năp dơi ƀư ta Quảng trường Đại Đoàn Kết, phường Pleiku. Ndrel rnôk nê, ta Ntŭk têl ơm yău kăl e - văn hóa neh dak Plei Ơi, xã Chư A Thai ƀư ôp brah mih bah Yang Pơtao Apui. Aơ mô dơn lah nău kan văn hóa – pâl nđaih êng du ntil, ma nsĭt geh âk nău hôr khlay mpeh săk tơm, nsum mpôl n’hanh hun hao jŏ jong.

VOV.M’nông – Lơ 24/4, Quốc hội khóa 16 rƀŭn n’glôch jêh rơh rƀŭn bôk năp. Ta năp rnôk n’glôch jêh, Quốc hội nsơr ty mbơh an âk Nghị quyết khlay.