VOV.M'nông:  Kêng măng 15/8, ta Quảng trường 10/3, phường Buôn Ma Thuột, n'gor Dak Lak ntơm pơk Lễ hội Sầu riêng năm 2026 đah bôk nău "Sầu riêng Dak Lak - Tâm rgop rƀŏng hăn ngai". Aơ lah lor bôk năp Lễ hội Sầu riêng dơi ƀư ta gưl n'gor, đah 17 nău kan ƀư ta âk ntŭk tâm n'gor bah nar 15/8 tât 2/9.

VOV.M'nông: Kêng măng 16/8, Mpôl uănh nđôi, groi uănh mbrô 235 bah Bộ Chính trị, Ban Bí thư yor wa Nguyễn Thanh Nghị, Kruanh Ban Chính sách n'hanh Chiến lược Trung ương ƀư Kruanh mpôl, mbơh nău ntrŭnh uănh nđôi, groi uănh năm 2026 đah Ban Thường vụ N'gor ủy Dak Lak.

VOV.M’nông - Ta Ntŭk rƀŭn nchră n’gor Gia Lai, N’gâng kan Tuch tăm mât rong n’hanh Ntŭk ntô gŭ âm tâm rgop đah UBND n’gor Gia Lai ƀư rƀŭn nchră mbơh ƀư Trong nchrăp ƀư mkra ăp dăn đă bah Ủy ban châu Âu (EC) n’hanh mbơh ƀư khay hô ngăn dun n’gang joi tui ka mô tâm di nău way, mô mbơh n’hanh mô tĭng nău ntrŭnh (IUU).

VOV.M'nông: Mpôl đại biểu Đảng Cộng sản Việt Nam yor đồng chí Lê Hồng Quang, Groi Kruanh Ban Nội chính Trung ương ƀư Kruanh mpôl hŏ khâl n'hanh pah kan ta Brasil.

VOV.M’nông - Nkre dŏng nkual tăm têh n’hanh mpôl luh dak lêng jêh nglăp nsum, Dak Lak dâk bah năp dơi rgâl mhe mpehcông nghiêpj nkret njêng jru. Yơn lah, gay ƀư tĭng nău rƀŏng aơ, n’gorr an dôh rklaih ntŭk kol mpeh ndơ logistics n’hanh boăt nthoi nkual. Aơ lah nău dơi âk nuĭh way kan, doanh nghiệp rgum rblang ta Rgum nchră nkual, rkum công nghiệp hăn ndrel nkret njêng jru n’hanh logistics ăp nkual yor UBND n’gor Dak Lak ƀư.

VOV.M'nông- Ƀư ntơm bah nar aơ, (nar 15/8) tât 2/9, aơ lah lor bôk năp Lễ hội sầu riêng ta Dak Lak dơi ƀư têh gưl n’gor. Lễ hội geh 17 nău kan, ƀư ta phường Buôn Ma Thuột, xã Krông Pắc, phường Tuy Hòa ndrel du đêt ntŭk geh hvi neh tăm sầu riêng têh. Lễ hội Sầu riêng Dak Lak năm 2026 mô dơn gay nkơnh n’hơ ndơ geh ƀư ma hôm rƀŏng tât rdâk njêng ndru wăr ndơ tăch, pơk hvi ntŭk tăch n’hanh njêng rnoh khlay jŏ jong an nuĭh ƀư njêng.

VOV.M'nông - Gay nchrăp lor tâm di đah ăp nu nău jêr njrăng bah trôk nar, lơn lah yan mih dak lip tăch proăt, n’gor Dak Lak kơl nuĭh ƀon lan ndâk ƀư âk ntil jay dêr mih dak lip. Hang rhiăng jay bah “Nău kan Quang Trung” lĕ dơi jêh, âk jay n’ông geh n’gâng leo trong n’hanh âk jay dêr dak lip nsum mpôl, kơl nuĭh ƀon lan đăp mpă tâm yan mih dak lip êp tât.

VOV.M'nông: Ôi nar naơ 13/8, ta ntŭk kan Chính phủ, Thủ tướng Lê Minh Hưng leo rơh pah kan đah Ngân hàng ngih dak Việt Nam n’hanh lĕ trong kan leo ƀư an manh prăk

VOV.M'nông: - Kêng măng lơ 13/8, ta Đà Lạt, UBND n’gor Lâm Đồng n’hanh Tổng lãnh sự quán Ấn Độ ta nkuăl ƀon têh Hồ Chí Minh ƀư bôk nău kan tâm nđur tâm rgop n’hanh tâm kơl kan hun hao pâl nđaih.

VOV.M'nông: Ta rơh tât khâl gưl ngih dak tât ta New Zealand, nar naơ 13/8, Tổng Bí thư, Kruanh dak Tô Lâm lĕ geh rơh tâm nchră đah Thủ tướng New Zealand Christophers Luxon.