Rƀŭn nchră dơi ƀư tâm mâp sŏng dăng, nkre pơk trực tuyến tât 124 ntŭk xã, phường, đặc khu. N'gor Lâm Đồng aƀaơ geh rlău 621.000 druh ndăm, tâm nê geh rlău 108.000 druh ndăm rnoi mpôl đê̆. Ta rơh tâm nchră, 20 nău ôp, dăn đă bah cán bộ Đoàn, đoàn viên, druh ndăm rgum tâm ăp nkô̆ nău ngăn ngăn, kơt ntop kơl prăk ntơm njêng nău kan, buăt nthoi ntŭk tăch rgâl, tăch rgâl ăp ndơ mĭn njêng khoa học, rƀŏng trong ntĭm nti nău kan, mkra nău kan, wăch rgum nuĭh kan mom n'hanh trong kơl jay gŭ thuk prăk. Ntơh măt ăp n'gâng kan, nău kan bah n'gor hŏ rblang, ƀư kloh âk nkô̆ nău druh ndăm uănh khlay. Tâm nchră đah druh ndăm, wa Hồ Văn Mười, Kruanh UBND n'gor Lâm Đồng, dăn đă druh ndăm lor nchrăp gĭt nău lư, mât uĕh săk geh, dơh uĕh ta ntŭk, nănh ntơm njêng nău kan bah ăp nău kan tâm di đah nău geh ngăn ngăn.