Tĭng kơp uănh, tâm 5 năm bah 2021 tât 2025, trôk nar lơh ƀư 1.455 nuĭh khĭt n'hanh roh, ƀư khuch khat rlău 230 rbăn rmen prăk; êng năm 2025, khuch khat rlău 100 rbăn rmen prăk. Trong nchrăp lvang 2026-2030 rgum tâm ăp trong nkra rdâng lơh phŭt sial têh, dak bŭk, pĭch rlâm neh, dak bŭk rchoh, duh phang n'hanh lăp dak băm.

N'glôn jêh rơh hop, Groi Thủ tướng Hồ Quốc Dũng đă ơm an dŏng trong nchrăp kan đah ăp nău dơn kan, trong nkra na nê̆, geh nău dơi tam, nsĭt geh nău tam gưl neh dak, đăp mpăn nău tâm rgop ăp n'gâng kan, ăp nkual n'hanh ăp n'gor. Trong nchrăp kan ân nchrŏng kloh lĕ đah nău kan bah Trung ương n'hanh n'gor; năl di ăp ntil trôk nar tât krit nji tĭng ăp nkual; nkre njrăng, n'gang trôk nar lăp tâm dăp rgum, trong nchrăp ƀư n'hanh ăp nău nchrăp kan, ndơ ƀư.