Kruanh Quốc hội an gĭt, lôch rlău du năm tĭng ƀư Luật neh ntu năm 2024, du đêt ntŭk kol mpeh dăp rgum, rnoh khlay, sŏk mplơ̆, jao n'hanh an manh neh hŏ ntoh luh, lơn lah tâm rnôk dăp rgum n'gâng kan ƀon lan bar gưl. Nău rgâl nkra luật ân rƀŏng tât rdâk njêng luật n'gâng tơm, quy định ăp nkô̆ nău tơm, nkre geh trong ƀư ngăch, tâm ban đah rgâl dơh glêh siƀŭt, rgâl mbrô n'hanh ăp luật geh tât. Mpeh rnoh khlay neh, Kruanh Quốc hội đă ƀư kloh nău dŏng rnoh khlay neh n'hanh rnoh rgâl tâm trok tâm, kơp prăk dŏng neh, prăk manh neh; đăp mpăn rnoh khlay dăch đah ntŭk tăch rgâl yơn mô kơp lĕ ma nkô̆ nău ntŭk tăch rgâl, dêr nău "rnoh khlay jŭr rnoh khlay hao", ƀư prăk dŏng hao ndal n'hanh nău nchrăp ƀư wăk kol.