Kruanh rđău kan bar ding lah rjăp tay nău ton ƀư jru hvi lơn tâm boh têh jong lam lĕ rngôch, tâm nê geh nău ntrŭt ntrôl ntuh kơl tâm trôm nău nchrăp ƀư mpông rlong lam ntŭr neh (Global Gateway) n'hanh Tâm boh kan ndrel rgâl ŭnh nar tâm ban (JETP); lah rjăp nău khlay bah nău tĭng ƀư lĕ rngôch Hiệp định dah rŏng tăch rgâl Việt Nam - EU (EVFTA) n'hanh ơm uănh an dŏng Hiệp định mât njrăng kơl an ntuh kơl Việt Nam - EU (EVIPA). Bar ding tâm ban ŭch nsrôih rƀŏng tât hun hao tâm boh mpeh tơm ndơ dŏng ƀư  khlay; ntrôl dăng tay tâm boh tâm kơl ta ăp trong kan công nghệ n'hanh rgâl mĭn ƀư mhe, ntĭm n'hanh nti nău kan, rgâl uĕh nđĭr, ntŭk ntô ndơ dŏng khlay, wăng sa tâm pleh n'hanh wăng sa dak lêng uĕh nđĭr. Bar ding lah rjăp tay nău ton ntrôl n'hanh mât njrăng nău dơi kon nuĭh. Bar ding lah rjăp nău khlay n'hanh săk rnglăy bah chủ nghĩa âk ding n'hanh nău way lam ntŭr neh nsing tâm nău way mbơh nsum. Kruanh Hội đồng Châu Âu António Costa n'hanh Kruanh Ủy ban Châu Âu Ursula von der Leyen rnê âk nău khlay kan ndâk njêng bah Việt Nam tâm ASEAN. Kruanh rđău kan bar ding mpơl nău ŭch rŏng Tâm nchră gưl têh nkah ndray 50 năm njêng tâm boh ASEAN - EU tâm năm 2027.