Tĭng trong nchrăp, phường An Nhơn Tây geh rnoh hvi neh rlău 75 km², phường Chư Sê hvi bơi 125 km², phường Phù Mỹ geh rnoh hvi bơi 55 km², phường Tây Sơn hvi bơi 100 km², n'hanh phường Tuy Phước hvi bơi 53 km². Ta năp nĕ, nău geh sŏk nău tâm rgop an saơ nuĭh ƀon lan ta ăp ntŭk tâm ban ŭch âk đah bôk nău kan njêng phường, mpơl nău knơm n'hanh nău mpŏng ta nău rƀŏng hun hao bâh ntŭk kan.

Jêh dăp rgum ntŭk kan hành chính, n'gor Gia Lai geh dĭng lĕ 135 ntŭk kan hành chính gâl xă, geh xă n'hanh phường. Tĭng trong kan, tât năm 2028, Gia Lai mbra rdâk njêng samƀŭt rhăch nău bôk nău kan ndâk njêng phường đah 8 xă geh An Lương, Cát Tiến, Đak Đoa, Đức Cơ, Ia Grai, Phù Cát, Tuy Phước Đông n'hanh Bình Khê. Tât năm 2030, Gia Lai nchrăp tay rdâk njêng samƀŭt rhăch nău bôk nău kan njêng phường đah 3 xă Đề Gi, Chư Prông n'hanh Bình Dương.