Thủ tướng Lê Minh Hưng lah rjăp: Năm 2026 kơp dơn nău wăng sa ndâk njêng tay lĕ rngôch 14/15 rnoh an ƀư geh n’hanh rlet rlău. Lăp tâm năm 2027, Việt Nam nâp nâl nkô̆ nău hun hao têh, têh ngăn đah nău ŭch hun hao GDP ntơm 10% hao rgŏ lơ.

Ăp ntoh măt ân đă rgâl mhe tay, ntrŭt dăng nău hun hao way ơm geh ntuh kơl nsum, tăch luh, dŏng ndơ; nkre pơk trong nơih ndrel ntrŭt dăng ăp nău hun hao mhe kơt wăng sa kloh ueh, wăng sa mrô, wăng sa tâm pleh. Ndrel đah nĕ, rklaih luh nău kol ân ăp nău kan tơm, ntrŭt dăng nău pă tơm prăk ntuh kơl nsum, n'hao nău săk tam nău kan n'gâng kan tâm nkuăl bar gưl ndrel ntrŭt dăng nău rgâl nău kan hành chính. Ăp ntoh măt lĕ ân lah, nău nchrăp ƀư nău kan năm 2027 ân geh kơp tât nău tât bah ăp nău khuch năm 2026, ngăn lah nău geh rnoh khlay pring xăng lŏ tâm rnoh âk, hao khlay ndơ rnôk ăp nău kan kơl an soay, prăk dŏng geh rgâl. Tĭng ăp ntoh măt Quốc hội, nău kan bah năm 2027 dŭt âk yơn đah nău tơm khlay lĕ geh, n’hanh nău nsôih têh ngăn bah lam trong kan chính trị, nsum mpôl ntŭk kan tăch rgâl n’hanh ƀon lan, knơm nău hun hao bar mrô năm 2027 mbra jêng nău ngăn. ./.