VOV4.M'nông:Tâm bôk nau hăn kan tâm Tuyên Quang, ôi 18/3, Kruanh Quốc hội Trần Than Mẫn leo bôk rmôt kan hăn kan bah Trung ương tât mpoh kthup, leo nkah nkah Kruanh Hồ Chí Minh tâm Nthưp Nà Nưa, tâm ntŭk nkah bah neh dak Tân Trào.

VOV4.M'NÔNG- Năm 2025 n’gor Kon Tum dơi Chính phủ jao rnoh tât hun hao GRDP 10%, dŭt âk Nkual Tây Nguyên. Nsrôih wat jêh ăp rnoh tât kan, ăp gưl, ăp n’gâng kan bah n’gor dôl nsrôih an ƀư âk trong nkra, tâm nê geh nău njêng tay suan rhôp an Nkual pâl nđaih neh dak Măng Đen gay rgop tâm hun hao 2 rnoh mbrô. PV Khoa Điềm, way gŭ ta nkual Tây Nguyên geh nău nchih nkoch tât.

VOV4.M'nông: Bah rnôk aơ 50 năm, tâm rnôk tâm lơh Tây Nguyên ơm, lơ 16/3/1975 n’gor Kon Tum geh rklaih. Ƀư tĭng nau janh dăng tâm rnôk tâm lơh, Đảng bộ, tahen ndrel ƀon lan ăp rnoi bah n’gor Kon Tum hŏ nsôih hao dăng, nau hun hao ngăch ngăn bah nkuăl Tây Nguyên, ƀư ăp nkuăl neh geh hăch yor ndrak nsiu, dak si hoá học tâm rnôk tâm lơh kăl e ri rnôk aơ hŏ jêng nkuăl sâm geh.

VOV4.M’nông – Lơ 17/3, tâm rơh khâl pah kan ta Dak Anh, Groi Thủ tướng Rnâng kan Chính phủ Nguyễn Hòa Bình lĕ geh rơh mâp êng đah wa Tony Blair, Tă ƀư Thủ tướng Anh, Kruanh Viện Tony Blair yor nău rgâl lam ntŭr neh.

VOV4.M'NÔNG-Rƀŏng tât nkah ndray 80 năm Nar sơch lăp lĕ rngôch lor bôk năp Quốc hội Việt Nam, ôi 17/3, ta Jay Quốc hội, Kruanh Quốc hội Trần Thanh Mẫn hŏ mâp măt Mpôl đại biểu Quốc hội n’gor Sóc Trăng sĭt tu tơm.

VOV4.M'NÔNG- Kêng măng ntri (17/3) ta Nhih pah kan Trung ương Đảng, Tổng Bí thư Tô Lâm ƀư tơm rơh pah kan đah Thanh tra Chính phủ n’hanh du đêt nhih  pah kan geh tât mpeh nău nkra dŭt bah ăp nô nău lah phong ntoch jong, rlău gưl tâm bah ri aơ nơh.

VOV4.M'NÔNG- Ôi 17/3, ta nhih pah kan Chính phủ, Tổng Bí thư Tô Lâm pah kan đah Tiểu ban wăng sa- rêh jêng kon nuĭh Đại hội lam dak tâl XIV bah Đảng.

VOV4.M'nông: Kêng măng lơ 16/3, Rmôt kan mêt uănh mrô 1922 bah Bộ Chính trị yor wa Đỗ Văn Chiến, Kruanh Uỷ ban Mặt trận Tổ quốc Việt Nam ƀư tơm kan hŏ pah kan đah Rnâng kan n’gor uỷ Dak Lak mpeh nau ƀư du đê̆ nau rđau, đă tâm n’gor.

VOV4.M’nông – Lăp mông nar n’gŭr răm bah ăp nar khay 3 têh khlay kăl e, măng 16/3, n’gor Kon Tum ƀư nkah gĭt 50 năm Nar rklaih đăp mpăn.

VOV4.M’nông - 50 năm bah năp, ta dâng rđŭng Cheo Reo, Phú Bổn (aƀaơ lah ăp nkuăl Phú Thiện, Ia Pa, Krông Pa n’hanh nkual têh Ayun Pa, n’gor Gia Lai), tahen n’hanh ƀon lan lĕ ndrel nuih n’hâm, tâm rnglăp tâm rgop tâm lơh, rgâl nău rhoăt nchuăt trong tâm lơh bah Quân đoàn 2 Ngụy quyền Sài Gòn ta trong 7 jêng du nău mô dơi têh n’ăp nău tâm lơh n’hanh trong tâm lơh. Nkhêp di nkah gĭt 50 năm lơh dăng Trong 7-Sông Bờ, rklaih đăp mpăn n’gor Gia Lai, he ndrel đah ăp ntŭk kăl e, tâm mâp ăp nuĭh tă rgop bư jêng lơh dơi kăl e.