VOV4.M'NÔNG - Kruanh n’gâng kan tơm prăk Hồ Đức Phớc lĕ geh rơh pah kan bar ding đah kruanh n’gâng kan tơm prăk Australia, Quốc vụ khanh mpeh tơm prăk bâh Nhật Bản n’hanh kruanh n’gâng kan tơm prăk Singapore, di rơh tât râng rơh rƀŭn nchră kruanh n’gâng kan tơm prăk APEC 2023 ta Hoa Kỳ.

VOV4.M'NÔNG - Ăp năm rlău aơ, cán bộ, tahen Pôih n’har bri bah mpông n’har bri Đăk Ruê (Tahen n’har bri Dak Lak) hŏ tĭng ƀư jăp ăp bôk nău kan “Kon mât pôih n’har bri”, “ndơl jâng oh tât nhih nhih”, “Chor jay n’hŭt răm n’har bri” mô lah ăp trong ntĭt leo tăm ba lŏ, mât rong ndrôk deh kon, kơl an be ntil… kơl ƀon lan  jut jăng ji ngot n’hŭch ach o, đăp mpăn nău rêh, nuĭh ƀon lan nsing nơm tay tâm mpôl tahen n’har bri, ndrel râng mât njrăng n’har bri nâp dăng bah neh dak. PV Tuấn Long, Nhih pah kan way gŭ kan nkual Tây Nguyên, geh nău nchih mpeh pah kan rdâk njêng ntŭk nsing nơm ƀon lan bah cán bộ, tahen Pôih n’har bri mpông n’har bri Đắk Ruê, jă kônh wa n’hanh băl mpôl djăt ndrel.

VOV4.M'NÔNG - Kêng măng 13/11, Sở Nông nghiệp n’hanh Phát triển Nông thôn Lâm Đồng an gĭt hŏ geh siƀŭt njuăl UBND n’gor dăn đă geh trong ntop kơl du gâl deh prăk kon bah ngân sách ngih dak an ăp nuĭh, ăp mpôl manh tơm prăk gay ntrơn jay bil tâm trôm nkual ƀon têh Đà Lạt.

VOV4.M'NÔNG - Nar 13/11, Groi Kruanh dak Võ Thị Ánh Xuân hŏ râng Nar rgum tâm rnglăp lam rnoi nuĭh ta nkual ƀon lan gŭ ấp Bà Chăng A, xã Châu Thới, nkuâl Vĩnh Lợi, n’gor Bạc Liêu.

VOV4.M'NÔNG - Kêng măng ntri (13/11), ta Nhih pah kan kruanh dak, kruanh dak Võ Văn Thưởng wơt Đại tướng Tea Seiha, Groi Thủ tướng, Bộ trưởng Quốc phòng Campuchia dôl geh hăn khâl Việt Nam.

VOV4.M'nông: Ôi lơ 13/11, ta ntŭk kan N’gâng kan neh dak, Đại tướng Phan Văn Giang, Uỷ viên Bộ chính trị, Groi Bí thư Quân uỷ Trung ương, Kruanh n’gâng kan neh dak Việt Nam ƀư tơm nar vơt Đại tướng Tea Seiha, Groi Thủ tướng, Kruanh n’gâng kan neh dak Campuchia khâl ngăn Việt Nam.

VOV4.M'nông: UBND n’gor Lâm Đồng mhe geh nau ntrŭnh đă ăp ntŭk kan, rmôt kan tâm n’gor ƀư ân tâm ban ăp ntrong kan, nsôih ntrŭt dăng ngăch nau pă tơm prăk ntuh kơl nsum năm 2023.

VOV4.M'NÔNG - Ôi ntri (13/11), ta Hà Nội hŏ ƀư tâm nchră tâm boh wăng sa đah 5 n’gor, nkual ƀon têh lah Hà Nội, Hải Phòng, Quảng Ninh, Lào Cai (Việt Nam) n’hanh Vân Nam (Trung Quốc) tâl 10; rgum rlău 200 nuĭh ntơh măt tâm nchră mpeh way nkô̆ ntuh kơl, tăch rgâl; Văn hóa, dak si, ntĭm nti, pâl nđaih; ntung trong nchuăn rdeng, logistic.

VOV4.M'NÔNG- Rƀŏng tât nkah ndray 41 năm Nar nai ntĭm nti Việt Nam, ôi 13/11, Kruanh dak Võ Văn Thưởng hŏ tât khâl n’hanh mbah rhơn nar nai ntĭm nti Việt Nam ta Nhih nti Đại học Khoa học Xã hội n’hanh Nhân văn (Đại học Quốc gia nkual ƀon têh Hồ Chí Minh). Ntơh măt kruanh rđău kan Đảng, Ngih dak n’hanh đah nău ƀư lah sinh viên ơm, Kruanh dak Võ Văn Thưởng mpơl nău rhơn rnôk plơ̆ khâl nhih nti tâm ăp nar lam dak rƀŏng tât nkah ndray nar nai ntĭm nti Việt Nam 20/11.

VOV4.M’nông – Ôi 12/11, Groi Kruanh Quốc hội Nguyễn Đức Hải ndrel Mpôl pah kan lĕ râng Nar rgum Tâm rnglăp lam rnoi nuĭh ta nkual ƀon lan gŭ A Liêng, xă Tà Bhing, nkuăl nkual prêh n’har bri Nam Giang, n’gor Quảng Nam.