Lôch geh djăt nuĭh leo kan tơm n’hanh đồng chí rnâng kan Ban Bí thư tâm nchră, đồng chí Tổng Bí thư, kruanh dak Tô Lâm nglôch lôch du đê̆ nău kan ma lĕ Đảng n’hanh lĕ trong kan chính trị an geh rgum, doh rklaih tâm let năp tay kơt lah: rgum uănh nđôi lĕ ăp nău pah kan hôm e bâh aƀaơ tât lĕ năm 2024 n’hanh ngluh mbơh âk trong kan, nău kan gay ma ƀư lôch ngăn, geh săk rnglăy, an geh nchrăp tay nău kan gay ma mât ueh đăp mpăn ngăn đah rơh rƀŭn nchră tal 10 Ban chấp hành Trung ương Đảng khóa 13, ăp tiểu ban nchrăp an Đại hội 14 bâh Đảng an geh ƀư tĭng ăp nkô̆ nău pah kan tĭng du trong kan.

Đah nău kan hun hao wăng sa rêh jêng, an geh  rgum doh rklaih ăp nău kŏ văk, jêr jŏt, ntŭk kol gay ma nta nău dơh nơih an doanh nghiệp, doanh nhân geh nău dơih nơih an hun hao, pah kan ntuh kơl, tăch rgâl, ntrôl pah kan jan sa geh săk rnglăy, njêng nău nsrôih rhơn đah ƀon lan tâm nău pah kan jan sa, tăch rgâl n’hanh rêh jêng. Rơh rƀŭn nchră lĕ tâm nchră, tâm rgop nău n’hanh mbơh trong kan doh rklaih âk nău tơm khlăy êng bâh neh dak tâm let năp tay.