Rơh ôp nău n’hanh ơh nău mbra geh ƀư tâm 1,5 nar rgum ta ăp nău dơi geh ueh, ăp nău kŏ văk, nău mô tay tâm ƀư tĭng ăp Nghị quyết bâh Ủy ban rnâng kan Quốc hội mpeh uănh nđôi bôk nău pah kan n’hanh ơh nău bâh bôk năm kan Quốc hội khóa 15 tât lĕ năm 2023.

Ta rơh ôp  n’hanh ơh nău aơ, kruanh Quốc hội dơn ngoăy, nău leo kan mbra mô geh pă tĭng mông nar an ăp kruanh n’gâng kan, kruanh ntŭk kan gay ma bah ir geh nău kŏ jêr âk  an nuĭh ơh nău, ăp du nău kan, đại biểu Quốc hội mbra geh ôp nău mpeh ăp trong kan ma nơm geh mât uănh geh nău khlăy, geh nău tơm, tơm khlăy, der hăn tâm nău ôp na nê̆, nuĭh leo kan an tâm di lơn, gĭt blău lơn, nglâ̆ dŭt an ăp trong kan an geh gleh gĭt vât ueh. Kruanh Quốc hội đă Chính phủ, ăp n’gâng kan an geh lôch nău kan nkoăl mbơh tơih tât Ủy ban rnâng kan Quốc hội ta năp nar 16/8.