Ăp nar ba năp, nuĭh ƀon lan xã Đạ K’Nàng, nkuăl Đam Rông n’gor Lâm Đồng rêh tâm nău mô đăp mpăn yor mbra geh rluh pich neh. Mbro geh 2 rơh rluh neh ƀư geh 3 nuĭh khĭt tâm ăp nar 14/7 n’hanh 20/7, bol ma lĕ geh n’gâng kan ta ntŭk ndâk nsơm nău tât, ntăm n’gâng nchih mbơh njrăng ta nkual mbra geh nău tât yơn nău mbra geh rluh neh hôm nha geh âk đŏng.

Ndrel đah nkuăl Đam Rông, âk nkual bâh n’gor Lâm Đồng lĕ geh âk ntŭk mbơh njrăng mbra geh rluh neh tâm khay mih aơ. Tâm nĕ, nkuăl ƀon têh Đà Lạt geh 61 ntŭk n’hanh nkuăl ƀon têh Bảo Lộc lĕ geh 55 ntŭk mbra geh nău tât. Ta năp trôk mih sial têh ta âk ntŭk, UBND n’gor Lâm Đồng mbro geh săm ƀŭt ntĭm đă ăp ntŭk kan n’gâng kan n’hanh UBND ăp nkuăl, nkuăl ƀon têh rgum mbơh tơih ƀư âk trong kan ăp ntŭk kan, n’gâng kan njrăng rdâng rluh neh.