Nar nđaơ (6/8), Mpôl groi nđôi Hội đồng Dân tộc Quốc hội yor wa Y Thanh Hà Niê Kdăm, Ủy viên Trung ương Đảng, Ủy viên Ủy ban Thường vụ Quốc hội, Kruanh Hội đồng Dân tộc Quốc hội ƀư Kruanh mpôl kan lĕ ƀư groi nđôi chuyên đề nău ƀư tĭng nău kơl pháp luật mpeh trong kan cán bộ đah rmôt cán bộ nuĭh rnoi mpôl đêt, lvang 2016-2023 ta n’gor Kon Tum.

Tâm nar pah kan đah kruanh n’gor Kon Tum n’hanh groi nđôi n’hêl na nê̆ ta bah dâng ta UBND nkuăl Đăk Hà, Mpôl groi nđôi Hội đồng Dân tộc Quốc hội lĕ rgum uănh mĭn tay, uănh lah tŏng ăp săk rnglăy ƀư tĭng nău kơl pháp luật mpeh trong kan cán bộ đah rmôt cán bộ nuĭh rnoi mpôl đêt, lvang 2016-2023 bah n’gor Kon Tum. Wa Y Thanh Hà Niê Kdăm, Ủy viên Trung ương Đảng, Ủy viên Ủy ban Thường vụ Quốc hội, Kruanh Hội đồng Dân tộc Quốc hội, an gĭt, bah săk rnglăy n’hêl na nê̆ rơh groi nđôi, Mpôl pah kan dăn đă đah Quốc hội, Ủy ban Thường vụ Quốc hội, Chính phủ, ăp ngih pah kan geh tât geh trong mkra, trong ƀư nău kơl gay jêh ăp nău ntrŭnh bah pháp luật gay ƀư săk rnglăy trong kan săch dŏng, ntĭm nti, dăp rgum n’hanh săch cán bộ nuĭh rnoi mpôl đêt.