VOV4.M'NÔNG - Ntơm bah bôk năm tât aƀaơ, nuĭh ƀon lan ta nkuâl n’har bri Đức Cơ, n’gor Gia Lai hŏ ndơ̆ jao an mpôl công an bơi 70 phao bleo njêng êng ndrel du đêt nsiu rtoh. Mpôl công an kan nsum tay ndrel ăp n’gâng kan, nsum mpôl nkoch trêng, rgŏ jă nuĭh ƀon  lan mô ƀư njêng êng, mât prăp, dŏng ăp ntil ndrak nsiu phao bleo gay mât đăp mpăn rnă njrăng.

VOV4.M’nông – Kêng măng 25/9 tĭng mông ta ntŭk, tâm trôm rơh khâl na nê̆ Cộng hòa Liên bang Brazil, Thủ tướng Chính phủ Phạm Minh Chính lĕ tât khâl ngih pah kan n’hanh mâp cán bộ, nuĭh kan bah Đại sứ quán Việt Nam n’hanh ăp ngih pah kan ntoh măt bah Việt Nam ta Brazil.

VOV4.M'nông: Yor geh nau khuch hô bah n’hach tâm Biển Đông, lơ 25/9, ta âk nkuăl bah n’gor Gia Lai geh mih têh. Gay n’huch rluh neh, dak lip băm yor mih dak lip, ăp nkual, nkual lah mpeh ba lơ, ba lơ ngăn bah n’gor dôl rgum ƀư nau nchrăp rdâng.

VOV4.M'nông: Jêh rnôk vơt, Kruanh Quốc hội Vương Đình Huệ tâm nchră đah Kruanh Quốc hội Bulgari.

VOV4.M'NÔNG - Hôm bar pe nar đŏng lah tât Tết Trung thu – tết bah kon se lam dak. Aơ lah ăp rnôk nuĭh ƀư, tăch rgâl ndơ pâl rlưn, bánh kẹo n’gluh tăch dŭt âk ntil ndơ, gay tŏng an nău ŭch geh rvăt năp bah năch, rhŏ dŏng an kon se. N’gâng kan dơi kan an ƀư ăp trong nkra gay mât đăp mpăn an Tết Trung thu.

VOV4.M'NÔNG - Kêng măng (25/9), tâm rnôk hăn khâl n’hanh pah kan ta Việt Nam, Kruanh Quốc hội N’gâng kan ƀon lan Cuba Esteban Lazo Hernandez hŏ tât khâl Nhih dak si Hữu nghị Việt Nam-Cuba Đồng Hới ta n’gor Quảng Bình.

VOV4.M'NÔNG - Ôi 25/9 mông ta ntŭk, Tổng thống Cộng hòa Liên bang Brazil Luiz Inacio Lula da Silva ƀư tơm rơh wơt ngăn Thủ tướng Chính phủ Phạm Minh Chính, lôch rnôk wơt ngăn, Thủ tướng Chính phủ Phạm Minh Chính hŏ tâm nchră đah Tổng thống Brazil.

VOV4.M'NÔNG - Rdâng lơh đah mih n’hach nchroh mbra tât jêng mih têh tâm ăp nar tât, n’gâng kan ăp gưl n’gor Kon Tum lor nchrăp an ƀư ăp trong njrăng, n’gang mih dak bŭk n’hanh pĭch rlâm neh.

VOV4.M'NÔNG - Ôi 25/9, Kruanh dak Võ Văn Thưởng hŏ wơt Kruanh Quốc hội N’gâng kan ƀon lan Cộng hoà Cuba Esteban Lazo Hernandez nkhêp geh râng Lễ nkah ndray 50 năm hăn khâl bah Kruanh Fidel Castro nkhêp geh hăn khâl n’hanh pah kan ta Việt Nam ntơm bah nar 24 tât 28/9.

VOV4.M'nông: Kêng măng 24/9, mông dak nê, ta ntŭk kan ntoh măt bah Việt Nam, Thủ đô Sofia, Kruanh Quốc hội Vương Đình Huệ hŏ mâp măt ntoh măt bah Việt Nam ta Bulgaria ndrel du đê̆ dak êp nê lah, Séc, Rumani, Slovakia, Hy Lạp ndrel Thổ Nhĩ kỳ.