Ta nkual ƀon têh Đà Lạt, Groi Thủ tướng Trần Lưu Quang râng, rđău đă Tâm nchră hội đồng tâm pă nău kan nkual Tây Nguyên tâl pe. Tâm nchră hŏ mbơh nău n’glêh an bah Thủ tướng Chính phủ uănh an dăp rgum nkual Tây Nguyên rơh năm  2021-2030, uănh ngai tât năm 2050.

Tĭng nê, lvang năm 2021-2030 nkual Tây Nguyên n’gluh rnoh tât ngăch hun hao ndơ geh ƀư rĭng geh 7-7,5%; rĭng geh tĭng bôk nuĭh nklăp 130 rkeh prăk. Tâm nchră hŏ sơ kết rlău 1 năm tĭng ƀư Nghị quyết 23 bah Bộ Chính trị n’hanh bôk nău kan bah Chính phủ mpeh hun hao wăng sa, rêh jêng  kon nuĭh, đăp mpăn njrăng n’gang neh dak rnă njrăng nkual Tây Nguyên. N’glôch jêh rơh tâm nchră, Groi Thủ tướng Chính phủ Trần Lưu Quang an lah, tâm bah ri aơ wăng sa, rêh jêng kon nuĭh nkual Tây Nguyên hŏ geh ăp nău rgâl uĕh. Ăp n’gor geh nău dơi đăt ndal tâm let năp tay đah 3 nău kan mbra dơi ƀư dĭl. Nê lah ntung trong buăt nthoi. Tâl bar lah hun hao trong leo pâl nđaih tĭng rêng, tĭng tour yơn njrăng uănh ăp nkual pâl nđaih ân geh rup uĕh êng. Tâl pe, mbra tâm  nkoch nsum tâm nău wăch rgum ntuh kơl tâm n’hanh bah dih dak.