Ôi 24/6, ta Ndah nkah gĭt n’hanh Ndah rup lơh dơi Đắk Pơ,(xã An Thành, nkuâl Đắk Pơ) Tỉnh ủy, HĐND, UBND, UBMT Tổ quốc Việt Nam n’gor Gia Lai khuh n’gôr ƀư Lễ nkah ndray 70 năm lơh dơi Đăk Pơ. Đah aƀaơ 70 năm, ăp cán bộ, tahen n’hanh ăp ƀon lan rnoi nuĭh n’gor Gia Lai, Đah “Đah nuih n’hâm ntang loih” hŏ tâm  rnglăp rlăch ndăng, ntik n’hao nău way ơm dăng janh bah u che, ƀư jêng lơh dơi Đak Pơ lư lam bri.

 Lơh dơi Đăk Pơ dơi ntĭt kơt Điện Biên Phủ bah Liên khu V, lah rơh lơh têh n’hanh geh nkô̆ hôr khlay. Lơh dơi Đăk Pơ mbluh soih trong  me, rgop njêng geh nău dơi êng ƀa ƀă ta nkual mpeh luh nar Gia Lai- Kon Tum nta trong dơh an lĕ mpeh jâng nsan  n’hanh suan dăng gay Pháp ân ký hiệp định Genève 1954. Ntơm bah du nkuâl tơm jâng wăng sa dêh, tât aƀaơ hŏ geh njuat hun hao mpeh wăng sa- rêh jêng kon nuĭh ta rnoh lam lĕ rngôch, nâp dăng. Nău rêh văn hóa bah ƀon lan mô rlu dơi n’hao prêh, ăp rnoh khlay văn hóa dơi mât ndray, ntik n’hao.