Thủ tướng Chính phủ Phạm Minh Chính mhe hăn ôp uănh, ntrŭt ntrôl tĭng ƀư trong rse điện 500kV mbah 3 Quảng Trạch - Phố Nối gâl hăn rlău n’gor Nghệ An.

Thủ tướng Phạm Minh Chính rhơn rnê mpôl ƀư trong rse dơi rgum bah âk nkual lam dak tât kơl an ƀư trong rse, tâm ban kơt nău nsum ti rgop kơl mpôl kan ta ntŭk bah Mpôl druh ndăm hŏ ntop kơl rhŏ dŏng ƀư đŏng;  ăp nuĭh tơm ƀư ndranh mô dơn dŏng ndơ ntrŭp dŏng têh uĕh mhe ma hôm geh âk nău blău ƀư kỹ thuật mhe đŏng, nchuăn rdeng ndơ rdâk ƀư, lŭ loih…Thủ tướng Chính phủ đă mpôl ƀư n’hanh ƀon lan ta ntŭk kan nsum tay,  ntop kơl nsum ntrŭt ntrôl an ƀư trong nchrăp kan, nkre leo ƀư nsĭt tay uĕh neh ntu, bri dak kơt ơm; ŭch rŏng Đoàn viên, druh ndăm ta n’gor ntik tay nuih n’hâm tâm rnglăp, nău way ơm  rŏng dak, nsrôih râng trong nchrăp kan, tâm ban  kơt ăp trong leo ƀư, trong nchrăp kan neh dak êng ƀa ƀă, yor ma nău nsĭt geh an neh dak n’hanh ƀon tơm; nsrôih ƀư lôch jêh ntrŭp rdâk n’gâng tâm nar 27/6.