Ôi 24/6, tâm nchră tâm ngih rƀŭn mpeh nau nchrăp Luật njrăng, rdâng nau tăch rgâl nŭih (rgâl nkra), âk ntoh măt Quốc hội tâm ban nau khlay gay ntrơn rgâl dĭng lĕ Luật njrăng, rdâng nau tăch rgâl nŭih, nkre đă ntop tay nau kan mhe lah rvăt kon tâm ndul tâm nau kan ntrơn rgâl bah nau nchrăp Luật aơ. Âk ntoh măt Quốc hội lah rjăp, nau tăch rvăt nŭih geh Liên hợp quốc năl lah ngoai tâm 4 nau tih dôih khuch ngăn.

Rơh rlau aơ, nau kan tăch rvăt nŭih hôm geh âk jêr ơm tâm lam ntur neh, đah nau kan lơn ma khuch, lơh khuch ngăn nau khuch hô. Ntoh luh nau kan mhe tâm nau rêh lah nau tăch kon tâm ndul me, ăp nŭih ntoh măt nchră nau ân lah, aơ lah nau kan khuch ngăn tâm nau rêh ndrel tih tât nau mĭn, nau vay ơm kon nŭih, yơn pháp luật hình sự Việt Nam rnôk aơ ê geh nau ntrŭnh n’hêl tât nau ntrơn rgâl lơi nau aơ. Ndri ma, ân geh ntop tay nau tih dôih hình sự lah geh nau tăch rvăt kon tâm ndul./.