VOV.M'nông- Kêng măng 15/6, HĐND n’gor Gia Lai khóa XIII, năm kan 2026-2031 ƀư Rơh hop tâl 4 (way nkô̆), uănh an dŏng âk nghị quyết khlay mpeh hun hao wăng sa – rêh jêng kon nuĭh, nkre rnê âk ăp nău dơi n’hanh jêr jŏt lôch 1 năm rgŏ jă trong leo ƀư n’gâng kan 2 gưl.

VOV.M'nông - Kêng măng (15/06 ) ta Nhih pah kan Trung ương Đảng, Tổng Bí thư, Kruanh dak Tô Lâm ƀư tơm rơh pah kan đah Ban Tuyên giáo n’hanh Dân vận Trung ương an nău rgop mpeh Đề án Trong nchrăp nsŏng trong mĭn têh jong bah Đảng tâm rnôk rgâl mbrô.

VOV.M'nông - Ăp njăr trong chrat ang, ăp mbor cờ gŭr ntơr uĕh mô lah ăp trong leo mât njrăng êng ntŭk gŭ rêh dôl nsĭt tât muh măt mhe an âk ƀon lan ta Dak Lak. Ntơm bah ăp nău kan dăch dêh tâm nău rêh ăp nar, hội viên ƀon lan kan lŏ mir n’hanh nuĭh ƀon lan ta ntŭk dôl rgop suan ƀư nđĭr uĕh ntŭk gŭ rêh, ƀư srăch se rup uĕh ƀon lan, rgop rdâk njêng ăp nkual ƀon lan gŭ di ma rêh.

VOV.M'nông - Ôi 15/6, Tỉnh ủy Dak Lak ƀư Tâm nchră mbơh n’glêh an mpeh pah kan cán bộ. Ban Thường vụ Tỉnh ủy mbơh 15 n’glêh an mpeh tâm pă, rgum đă, ntăm n’hao n’hanh nchŏng đă cán bộ ta ăp nhih pah kan nsŏng kơl bah Tỉnh ủy n’hanh ăp xã, phường ta n’gor.

VOV.M'nông - Ôi 15/6, ta Nhih pah kan Trung ương Đảng, Tổng Bí thư, Kruanh dak Tô Lâm ƀư tơm rơh pah kan đah n’gâng kan Ntĭm n’hanh nti ndrel ăp nhih pah kan geh tât mpeh nchrăp năm nti 2026-2027.

VOV.M’nông - Tâm rnôk tâm ntêng lêng nkual nar lơn ma dơi ntrôl dăng, ăp n’gor Tây Nguyên n’hanh duyên hải Nam Trung Bộ dôl pơk hvi tâm boh, an ƀư geh nău tam trong ntop kơl nsum đah “bri neh têh hvi n’hanh dak lêng ĭr” gay jêng ăp ntŭk pâl nđaih tâm ntêng lêng nkual săk ntơr êng. Ntơm bah ăp bôk nău kan buăt nthoi ntŭk tât, ntrŭt ntrôl ngăch ntuh kơl tât rdâk njêng ăp trong pâl nđaih mhe, nău tâm nkrêp kan nsum đah bri n’hanh dak lêng mô dơn njêng tay suan rhôp uĕh an năch ma hôm pơk luh ntŭk hun hao mhe.

VOV.M'nông: Mih dak buk mhe ntơm yơn âk ntŭk rluh neh lĕ geh ntoh ta ăp nkual ƀon lan gŭ n’hanh ăp trong hăn tơm ta Lâm Đồng.

VOV.M'nông:Di rơh kahgĭt 101 năm Nar Báo chí Cách mạng Việt Nam, Kêng măng lơ 14/6, ta Ntŭk kan Quốc hôị, Thủ tướng Chính phủ Lê Minh Hưng n’hanh Kruanh Quốc hội Trần Thanh Mẫn leo rơh tâm mâp măt ăp nuĭh leo kan ăp ntŭk kan báo chí.

VOV.M’nông - Âk năm rlău aơ, ăp phŭng rlăng gŭ ndăch bah dih nde mbro tâm nău rnoi mpôl đê̆, chroh rƀŭn gay lơh chrai Tây Nguyên. Lôch ăp mpôl chroh kơt “Tin lành Đêga”, “chroh djơh Hà Mòn”, “Đức Chúa Trời Mẹ”, mhe aơ ntoh tay chroh djơh “Ba Na Đêga Kon Kông” gay têk klônh nuĭh ƀon lan, nsĭch nuih n’hâm tâm rkeh rnoi nuĭh ta n’gor Gia Lai. Đah nău lăp kan lĕ n’hâm suan bah mpôl kan dơi kan n’hanh lĕ ma trong kan chính trị, tâm khay 5/2026, Công an n’gor Gia Lai hŏ lơh chrai geh nău dơi mpôl chroh djơh dja. Rơh rlăch ndăng ta nău mĭn gay kơl nuĭh ƀon lan năl kloh nuih n’hâm rlơn lơh tay bah chroh djơh dôl rôih tĭng ƀư ta ăp ƀon lan.

VOV.M’nông - Kêng măng (11/6), ta Hà Nội, Ban Nội chính Trung ương ƀư rƀŭn nchră n’glôch jêh nău kan bah Ban Ntĭm rđău nkra rgâl tư pháp Trung ương bah rnôk ndâk njêng tât aƀaơ n’hanh rnê nkhôm ăp rmôt, êng nuĭh geh uĕh nău kan tâm trong kan nkra rgâl tư pháp.