VOV.M'NÔNG- Tâm ntŭk gŭ rêh rngân uĕh bah ƀon lan Tây Nguyên, nkre djăt radio nkre chiăm kah cà phê, he ndrel djăt nău nkoch bri đah bu ranh ƀon n’hanh bu druh H’Hương, nkah ăp nău huêng khlay kăl e nơh mpeh nar neh dak dơn ngoăy. Rlău tĭng nău nkoch, rup gui dăng janh bah tahen ƀon lan Tây Nguyên tâm trong hăn lơh Khay năm mhe 1975 mpơl tay rêh uĕh – bêng ler nău rngot rhơn n’hanh nău n’hao êng săk. Nău ngơi lơn Rƀŏng sĭt “Nar rgum dơn ngoăy neh dak” lah nău mpơl gĭt lor njuăl tât rơh kơn aƀaơ: Ân mât nău đăp mpăn, rdâk njêng neh dak ma lĕ nău nsing nơm n’hanh play nuih rŏng dak duh hâr.