VOV4.M'NÔNG- Nuh srê ji luh mê gŭr dôl tât krit nji ta âk n’gor nkual ƀon têh lam dak. Ta nkual Tây Nguyên ta ăp n’gor Gia Lai, Dak Lak, Lâm Đồng... rnoh nuĭh lăp nhih dak si tă bah ji luh mê gŭr hao âk tĭng nar. Nkô̆ tơm ƀư jêng ăp me bơ̆ uănh lhơ, âk năm tă bah khuch nuh srê covid, mô tĭng nar chuh n’gang vắc-xin an kon se. Bộ Y tế hŏ njêng 6 mpôl hăn ôp uănh, rđău đă pah kan njrăng, n’gang nuh srê n’hanh an ƀư chuh n’gang vaccine njrăng, n’gang ji luh mê gŭr tâm 3 khay rlău aơ, yơn nău khlay lơn lah nău gĭt êng bah ăp rnăk tâm nău njrăng n’gang ji an kon se. nău ngơi lơn nar aơ tâm ôp mpeh nkô̆ nău dja.