Lơ 13/5, Tổng Bí thư Tô Lâm ndrel I ur n’hanh Mpôl đại biểu gưl prêh dak he lĕ lôch uĕh rơh pah kan tât 4 dak Kazakhstan, Aderbaizan, Nga n’hanh Belarus. Tâm 8 nar, đah rlău 80 nău kan, Tổng Bí thư Tô Lâm lĕ geh ăp rơh rgum nchră, rgum ôp đah Kruanh gưl prêh ăp dak, mâp n’hanh tâm rgâl đah ăp chính đảng, ăp nuĭh kruanh, doanh nghiệp, khâl du đêt ntŭk wăng sa, văn hóa, mâp măt nsum mpôl nuĭh ƀon lan ta ăp dak.

Tổng Bí thư lĕ râng Ƀư nkah gĭt 80 năm Nar lơh dăng tâm rơh tâm lơh tâm su mât njrăng neh dak ta Nga n’hanh Kazakhstan, tă bah nĕ mpơl nău ryơk n’hanh ntô̆ n’hao bah Việt Nam đah ăp nuĭh khĭt, roh rngot têh bah ăp dak tâm Liên Xô ơm tâm rơh lơh mprơh phát xít, lôch tâm lơh tâm su lam ntŭr neh n’hanh pơk luh plơk mhe an ntrong leo cách mạng n’hanh rklaih đăp mpăn rnoi nuĭh ta lam ntŭr neh, tâm nĕ geh Việt Nam. Ăp săk rnglăy dơi geh tâm rơh pah kan mbra nkô̆ nău khlay, lah nuih n’hâm n’hanh nău rŏng ŭch gay Việt Nam n’hanh ăp dak ndơn tay, mât uĕh n’hanh n’hao tâm boh dăch dêh way ơm, rgop an nău hun hao ăp dak, yor nău geh bah nuĭh ƀon lan, yor đăp mpăn, kan ndrel, hun hao ta nkual n’hanh ta lam ntŭr neh.