Pă nău ntơ  nkuăl ƀon têh Têh dăng an nkuăl ƀon tê Hải Phòng  n’hanh ntoh ngơi ta rơh kahgĭt, ndơn kan an nuĭh leo kan Đảng, ngih dak, kruanh dak Lương Cường rhơn, uănh rnê âk ăp nău dơi geh n’hanh ăp nău tâm rgop têh tâm nău kan njrăng rdâng mât đăp mpăn ueh lăng mpôl rnoi, tâm ban kơt ta rơh rgâl mhe, rdâk njêng, hun hao neh dak n’hanh mât nâp ueh Neh dak Việt Nam Xã hội chủ nghĩa bâh Đảng bộ, n’gâng kan, ƀon lan n’hanh mpôl kan tahen nkuăl ƀon têh Hải Phòng tâm 70 năm ba năp. Kruanh dak Lương Cường knơm, đah nău way kan ơm kăl e têh dăng, ăp nău dơi n’hanh nău tă gĭt blău lôch 70 năm rklaih đăp mpăn Đảng bộ, n’gâng kan, tahen n’hanh ƀon lan nkưal ƀon têh Hải Phòng mbra geh tâm rnglăp, rlet rlău ăp nău jêr, ntul rlong, rgum rdâk njêng nkưal ƀon têh hun hao ngăch, nâp nâl, têh dăng, sâm geh, ueh mhe n’hanh dăch bên, ƀon lan geh nău rêh đăp mpăn, hơm răm.