Wăng sa-rêh jêng n’gor Dak Lak tâm khay 4 n’hanh 4 khay bôk năm 2025 mât tay hao jêng đăp mpăn, âk rnoh an geh săk rnglăy uĕh, jêng n’gâng tơm nâp nâl ân nău jêh trong rbŏng hun hao lĕ năm. Nău mbơh aơ dơi ndơ̆ ta rơh rƀŭn ăp rơh khay 4 bah UBND n’gor Dak Lak, ƀư ôi (13/5). Ngoăy tâm âk nău uĕh ntoh lư lah nkra njêng công nghiệp hao âk, đah rnoh mrô lam nău kan tâm khay 4 hao 12% nkôp đah rơh aơ, lơn lah công nghiệp nkret njêng, ê nkra mhe hao tât 17%.

Ăp nău kan têh kơt lah cà phê, loih, bia, ŭnh nar mât tay nău kan đăp mpăn. Nkra njêng lŏ mir, si bri n’hanh tui ka đăp mpăn tay. Wa Nguyễn Thiên Văn, Dơi ƀư Kruanh UBND n’gor Dak Lak lah rjăp, ăp gưl, nău kan, an rgum dôih rơih jêr jŏt an nkra njêng, ntrôl tâm pă prăk ntuh kơl nsum, rgâl nkra hành chính n’hanh ntop kơl doanh nghiệp, gay đăp mpăn jêh nău rƀŏng hun hao wăng sa-rêh jêng năm 2025.