Kêng măng 13/5, Thủ tướng Phạm Minh Chính ƀư tơm rơh rƀŭn bah Rnâng kan Chính phủ mpeh nău ndâk njêng Nghị quyết bah Chính phủ mpeh trong nchrăp pah kan ndâk njêng n’hanh hun hao nău kan tâm rnglăp nchră nău bah dih tât năm 2030 n’hanh uănh tât năm 2045.

Ntoh ngơi ta rƀŭn nchră, Thủ tướng Phạm Minh Chính lah rjăp, trong nchrăp na nê̆ lĕ rngôch nău ntrŭnh, trong hăn bah Đảng he ăp nghị quyết, n’glôn jêh, ntĭm đă, ƀĭt joet bah Trung ương, N’gâng kan Chính trị mpeh rgum lăp lam ntŭr neh tâm nu nău mhe; trong nchrăp an geh nău ƀư, geh nău njrăng n’gang, geh nău na nê̆ n’hanh tâm di nău ngăn. Thủ tướng Phạm Minh Chính đă mât uănh nuih n’hâm rgâl mhe têh dăng tâm nău kan đah bah dih, rhŏ an nău geh bah neh dak, rnoi nuĭh, nău geh an ƀon lan, rgop mât njrăng đăp mpăn, ƀư tơm, kơp dơn ngoăy n’hanh lĕ rngôch neh ntu, hun hao neh dak, đăp mpăn nu nău tâm dak, nuih nău nuĭh ƀon lan, nău rƀŏng n’glêh dŭt lah nuĭh ƀon lan nar lơ hơm răm, uĕh lăng.